മലയാളത്തിലെ ത്രില്ലര് ചിത്രങ്ങളില് ഏറ്റവും വലിയ വിജയം നേടിയ ഫ്രാഞ്ചൈസിയാണ് ദൃശ്യം. ഡയറക്ട് ഒടിടി റിലീസ് ആയെത്തി വന് ചര്ച്ചാവിഷയമായ ദൃശ്യം 2 നു ശേഷം ജീത്തു ജോസഫും മോഹന്ലാലും ഒന്നിക്കുന്ന പുതിയ ചിത്രമാണ് ട്വല്ത്ത് മാന്.
ചിത്രത്തില് മോഹന്ലാല് ആണ് ടൈറ്റില് കഥാപാത്രമാവുന്നത്. ഡിസ്നി പ്ലസ് ഹോട്ട്സ്റ്റാറിന്റെ ഡയറക്ട് റിലീസ് ആയി എത്തുന്ന ചിത്രത്തിന്റെ ട്രെയ്ലര് ഏറെ പ്രേക്ഷക ശ്രദ്ധ നേടിയിരുന്നു. മെയ് 20ന് ചിത്രം പ്രേക്ഷകരിലേക്ക് എത്തും.
മിസ്റ്ററി ത്രില്ലര് വിഭാഗത്തില് പെടുന്ന സിനിമയുടെ ഷൂട്ടിംഗ് കഴിഞ്ഞ വര്ഷം ഒക്ടോബര് ആദ്യ വാരമാണ് ആരംഭിച്ചത്. സ്വന്തം തിരക്കഥയിലല്ലാതെ ജീത്തു ജോസഫ് സംവിധാനം ചെയ്യുന്ന ആദ്യ മോഹന്ലാല് ചിത്രവുമാണ് ട്വല്ത്ത് മാന്. നവാഗതനായ കെ ആര് കൃഷ്ണകുമാര് ആണ് ചിത്രത്തിന്റെ രചന നിര്വ്വഹിച്ചിരിക്കുന്നത്. ഉണ്ണി മുകുന്ദന്, അനുശ്രീ, അദിതി രവി, ലിയോണ ലിഷോയ്, വീണ നന്ദകുമാര്, ഷൈന് ടോം ചാക്കോ, സൈജു കുറുപ്പ് തുടങ്ങി നിരവധി പേര് പ്രധാന കഥാപാത്രങ്ങളെ അവതരിപ്പിക്കുന്നുണ്ട്. സതീഷ് കുറുപ്പ് ആണ് ഛായാഗ്രഹണം. ഇടുക്കിയിലെ കുളമാവ് ആയിരുന്നു ചിത്രത്തിന്റെ പ്രധാന ലൊക്കേഷന്.
0 Comments