മലയാള സിനിമയുടെ സുവർണ കാലഘട്ടം എന്ന് വിശേഷിപ്പിക്കാവുന്ന എൺപതുകളിൽ തുടങ്ങി, ഇന്നും മനസ്സിൽ തങ്ങിനിൽക്കുന്ന ഒരുപറ്റം ഹിറ്റ് സിനിമകൾ സമ്മാനിച്ച പ്രമുഖ പ്രൊഡക്ഷൻ കമ്പനിയാണ് സിയാദ് കോക്കർ സാരഥ്യം വഹിച്ച കൊക്കേഴ്സ് ഫിലിംസ്. “കൂടും തേടി”യിൽ തുടങ്ങി രേവതിക്കൊരു പാവക്കുട്ടി, സന്മനസുള്ളവർക്ക് സമാധാനം, പട്ടണപ്രവേശം, മഴവിൽക്കാവടി, ഒരു മറവത്തൂർ കനവ്, സമ്മർ ഇൻ ബത്ലഹേം, ദേവദൂതൻ തുടങ്ങി മലയാളികൾക്ക് ഒരിക്കലും മറക്കാൻ പറ്റാത്ത നിരവധി ചിത്രങ്ങൾ സമ്മാനിച്ച കോക്കേഴ്സ്; 2022ൽ വിഷ്ണു ഉണ്ണികൃഷ്ണൻ നായകവേഷത്തിലെത്തിയ ‘കുറി’യിലൂടെ നവയുഗ മലയാള സിനിമാ രംഗത്തെ തങ്ങളുടെ സ്ഥാനം ഒന്നുകൂടി അരക്കിട്ടുറപ്പുക്കുകയായിരുന്നു.
നിർമ്മാണ രംഗത്തും, ഡിസ്ട്രിബൂഷൻ മേഖലയിലും തങ്ങളുടെ പഴയ പ്രതാപം തിരിച്ചു പിടിക്കാനായി മുഖം മിനുക്കിയ കോക്കേഴ്സ്, “കോക്കേഴ്സ് മീഡിയ എന്റർടെൻമെന്റ്സ്” എന്ന പുതിയ നാമത്തിൽ സിയാദ് കോക്കറിൻ്റെ മകളായ ഷെർമ്മീൻ സിയാദിൻ്റെ നേതൃത്വത്തിൽ വേറിട്ട രൂപത്തിലും ഭാവത്തിലുമാണ് പുതിയ കാലത്തിന്റെ ചരിത്രമെഴുതാൻ കൊക്കേഴ്സ് എന്ന ബ്രാൻഡ് തയ്യാറെടുക്കുന്നത്. വമ്പൻ താരനിരയിൽ ഒരുക്കുന്ന ചിത്രമടക്കം; മൂന്നിൽ കൂടുതൽ ബിഗ് ബഡ്ജറ്റ് സിനിമകളുടെ നിർമ്മാണവും, സ്വന്തം ചിത്രങ്ങളോടൊപ്പം, വലിയ ചില വമ്പൻ പടങ്ങളുടെ വിതരണവും ചെയ്തു കൊണ്ടായിരിക്കും കോക്കേഴ്സ് 2023ൽ മലയാളികൾക്ക് വിരുന്നൊരുക്കുക!
38 വർഷങ്ങളുടെ പ്രവർത്തന പാരമ്പര്യത്തിൻ്റെ പിൻബലത്തിൽ; സിനിമാ നിർമ്മാണം മാത്രമായി ചുരുങ്ങാതെ സിനിമ ഡിസ്ട്രിബ്യൂഷൻ, സിനിമാ മാർക്കറ്റിംങ്ങ്, പ്രൊഡക്ഷൻ കൺസൾട്ടേഷൻ & സെയിൽസ് തുടങ്ങി മലയാള സിനിമയ്ക്ക് സഹായകരമാകുന്ന പല പുതിയ തലങ്ങളിലേക്കും കോക്കേഴ്സിൻ്റെ പുതുതലമുറ ഊന്നൽ നൽകുന്നുണ്ട്. അതിനായി ഏറെ പ്രാഗൽഭ്യമുള്ളൊരു ടീം തന്നെ ഇതിനോടകം കോക്കേഴ്സിൻ്റെ കീഴിൽ സജ്ജമായി കഴിഞ്ഞു. സിനിമയുടെ വിതരണത്തിനോ, പരസ്യത്തിനോ, കച്ചവടത്തിനോ, നിർമ്മാണ സംബന്ധമായ വിദഗ്ദ്ധോപദേശത്തിനോ, തുടങ്ങി.. സിനിമാ സംബന്ധമായ പല സഹായങ്ങൾക്കും ‘www.kokers.in’ എന്ന വെബ്സൈറ്റിലൂടെ കോക്കേഴ്സിനെ ബന്ധപ്പെടാവുന്നതാണ്.
വാർത്ത പ്രചരണം: പി.ശിവപ്രസാദ്
ഒരു കട്ടിൽ ഒരു മുറി ജൂൺ പതിനാലിന് ............................................... സപ്ത തരംഗ് ക്രിയേഷൻസ് പ്രൈവറ്റ് ലിമിറ്റഡ്, വിക്രമാദിത്യൻ ഫിലിംസ് എന്നീ…
ഹനീഫ് അദേനി - ഉണ്ണി മുകുന്ദൻ കോമ്പോ ചിത്രമായ മാർക്കോ ആരംഭിച്ചു. ....................................... ഉണ്ണി മുകുന്ദൻ സൂപ്പർ ആക്ഷൻ ഹീറോ…
'ദ പ്രീസ്റ്റ്'ന് ശേഷം ജോഫിൻ ടി ചാക്കോ സംവിധാനം ചെയ്യുന്ന സിനിമയുടെ പൂജ കൊച്ചിയിൽ നടന്നു!! ചിത്രം നിർമ്മിക്കുന്നത് കാവ്യ…
ോണിയ അഗർവാൾ, ജിനു ഇ തോമസ് എന്നിവരുടെ ഹൊറർ സസ്പെപെൻസ് ത്രില്ലർ; 'ബിഹൈൻഡ്ഡ്' ടീസർ റിലീസ് ചെയ്തു... പാവക്കുട്ടി ക്രിയേഷൻസിൻ്റെ…
"പഞ്ചവത്സര പദ്ധതി" എനിക്കിഷ്ടപ്പെട്ടു, മലയാളി കാണേണ്ട ചിത്രമെന്ന് ശ്രീനിവാസൻ സിജു വിൽസനെ നായകനാക്കി പി.ജി. പ്രേംലാൽ സംവിധാനം ചെയ്ത ചിത്രമായ…
ജിയോ ബേബിയും ഷെല്ലിയും ഒന്നിക്കുന്ന ഫാമിലി ത്രില്ലർ 'സ്വകാര്യം സംഭവബഹുലം'; മോഷൻ പോസ്റ്റർ റിലീസ് ചെയ്തു... ചിത്രം മെയ് 31ന്…