അതുല്യ നടനും കലാകാരനുമായിരുന്ന നെടുമുടി വേണു തിരുവനന്തപുരത്ത് അന്തരിച്ചു. ഉദര രോഗത്തെ തുടര്ന്ന് ആശുപത്രിയിലായിരുന്നു അദ്ദേഹം. കരള് രോഗവും അദ്ദേഹത്തെ അലട്ടിയിരുന്നു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം
അഭിനയമികവു കൊണ്ട് മലയാളികളെ വിസ്മയിപ്പിക്കുകയും ആനന്ദിപ്പിക്കുകയും ചെയ്ത പ്രിയപ്പെട്ട നടനായിരുന്നു നെടുമുടി വേണു. എഴുപത്തി മൂന്നാം വയസ്സിലാണ് അദ്ദേഹം ഓര്മയിലേയ്ക്കു മറയുന്നത് ദേഹാസ്വാസ്ഥ്യത്തെ തുടര്ന്ന് അദ്ദേഹം ആശുപത്രിയിലായിരുന്നു. ഞായറാഴ്ച രാവിലെയാണ് തിരുവനന്തപുരത്തെ സ്വകാര്യ ആശുപത്രിയില് അദ്ദേഹത്തെ പ്രവേശിപ്പിച്ചത്. തീവ്രപരിചരണ വിഭാഗത്തിലായിരുന്നു. ഉദരസംബന്ധമായ അസുഖ ബാധിതനായ അദ്ദേഹം ഗുരുതരാവസ്ഥയില് ഐ.സി.യു.വില് ചികിത്സയിലായിരുന്നു. ദീര്ഘനാളായി ഇതേ അസുഖത്തിന് ചികിത്സ നടത്തിവരികയായിരുന്നു. നേരത്തേ കൊവിഡ് ബാധിച്ചിരുന്നു.
0 Comments